काठमाडौं- आइसिसी टी-२० विश्वकप एसिया श्रेत्रिय छनोटका लागि सिंगापुरमा रहेको नेपाली टोली यटिबेला दबाबमा छ । छनोट अन्तरगत आफ्नो पहिलो खेलमा पराजय भोगेसँगै नेपाल अर्को चरण अर्थात ग्लोबल छनोटमा स्थान बनाउनका लागि दबाबमा रहेको हो ।
जसका लागि नेपालले अब बाँकी सबै खेल जित्नै पर्ने छ । पहिलो खेलमा लो-स्कोरिङका कारण पराजय भोगेको नेपालले आफ्नो दोस्रो खेलमा मलेसियासँग खेल्दै । आज (बुधबार) नेपालले छनोटमा आफ्नो दोस्रो खलमा मलेसियासँग खेल्न लागेको हो ।
नेपालले यस खेलमा जित निकाल्दै आफ्नो दोस्रो चराण्को यात्रालाई सहज बनाउनु पर्ने छ । कमजोर मानिएको कतारसँग ४ विकेटले पराजत भएसँगै नेपाल अर्को चरण यात्राका लागि संकाको घरेरामा रहेको छ ।
यस छनोट अघि मलेसियासँग दुई खेलको सिरिज खेलेको नेपालले उच्च बनोबलमा साथ मैदान उत्रिने अनुमान गरिएको छ । उक्त सिरिज नेपालले क्लिनस्वीप गर्दै ऐतिहासिक सफलता हात पारेको थियो । हालसम्म नेपाल र मलेसिया टी-२० मा ६ पटक आमने सामने भएका छन् । जहाँ नेपालले ५ खेल जितेको छ भने मात्र एक खेल गुमाएको छ ।
पहिलो पटक सन् २००७ मा कुवेतमा भएको एसीसी टी-२० कपमा नेपालले मलेसियासँग भेट गरेको थियो । उक्त खेलमा नेपालले २१ रनले विजयी हुँदा सन् २००९ को एसीसी टी-२० कपमा नै भएको दोस्रो भेटमा नेपालले ६ विकेटले हार ब्यहर्नु परेको थियो । यो नै मलेसियासँगको टी-२० अन्तर्राष्ट्रियमा नेपालको पहिलो र हालसम्मकै अन्तिम हार पनि हो ।
सन् २०१३ मा कीर्तिपुरस्थित त्रिवि मैदानमा आयोजना भएको एसीसी टी-२० कपमा नेपाल १९ रनले विजयी भएको थियो । सन् २०१८ को विश्व टी-२० एसिया अन्तर रिजनल छनोटमा नेपाल ८ विकेटको विजयी हुँदा पछिल्लो पटक भएको दुई खेलेका सिरिजमा नेपालले क्लिनस्वीप गर्दै एतिहास रच्यो । सिरिजको पहिलो खेलमा ७ विकेट विजयी हुँदा दोस्रो खेलमा नेपाल ६ रनले सिरिज आफ्नो पक्षमा पारेको थियो ।
प्रतियोगितामा नेपाल एक खेलबाट अंक विहिन हुदै तालिकाको पुछारमा छ भने दुई खेल खेलेको आयोजक टोली सिंगापुर तीन अंक सहित शीर्ष स्थानमा छ । त्यस्तै एक खेल खेलेको मलेसिया दुई अंक सहित दोस्रो, दुई खेलेमा दुई अंक सहित कतार तेस्रो र दुई खेलमा एक अंक जोडेको कुवेत चौथो स्थानमा छन् ।
यतिबेला नेपाल र मलेसियाबीचको खेल वर्षका कारण रोकिएको छ । यस खेलमा नेपालले अंक बाढ्नु पर्ने अवस्था सृजना भए अर्को चरणको यात्रा झनै कठिन हुने छ ।
प्रकाशित: Dec 31, 2017| 18:23 आइतबार, पुस १६, २०७४