काठमाडौं- सत्तारुढ दल नेपाल कम्युनिष्ट पार्टी नेकपाको सचिवालय बैठकसुरु भएको छ। नेकपाका अध्यक्ष समेत रहेका प्रधानमन्त्री केपी शर्मा ओलीको सरकारी निवास बालुवाटारमा नेकपाको बैठक सुरु भएको हो।
बैठकमा नेकपाको आन्तरिक कार्यविभाजन अन्तर्गत विभिन्न विभागहरुको नेतृत्वको टुंगो लगाउनेबारे छलफल हुँदैछ।
नेकपा अध्यक्ष ओलीको सचिवालयका अनुसार बैठकमा विभिन्न विभिन्न विभागहरुको नेतृत्वबारे आज छलफल हुने लागेको हो। विभागको नेतृत्वबारे मोटामोटी छलफल भइसककेको भए पनि टुंगो लागिसकेको छैन।
यसअघि बिहान नेकपाका अर्का अध्यक्ष पुष्पकमल दाहाल प्रचण्डको निवास खुमलटार ललितपुरमा पूर्व माओवादीतर्फका नेताहरु भेला भएका थिए। प्रचण्ड निवासमा भएको छलफलमा विभिन्न विभागहरुमा दिन लागिएको नेतृत्वमा आफूहरुको असन्तुष्टीबारे नेताहरुले कुरा राखेका थिए।
शनिबार साँझ बालुवाटारमा पनि पूर्व एमाले तर्फका नेताहरु भेला भएका थिए। उक्त भेलामा पनि विभागको नेतृत्वबारे नै छलफल भएको थियो।
प्रकाशित: Dec 31, 2017| 18:23 आइतबार, पुस १६, २०७४