बुधबार, कात्तिक २७, २०७६

समाचार खेलकुद

अन्तिमतिर सम्हालिन नसक्दा यू-१९ बाहिरियो

अन्तिमतिर सम्हालिन नसक्दा यू-१९ बाहिरियो

काठमाडौं - एएफसी यू-१९ च्यापिम्पयनसिप छनोट प्रतियोगितामा नेपाल आयोजक इरानसँग पराजित हुँदै प्रतियोगिताबाट बाहिरिएको छ। शुक्रबार भएको खेलमा इरानसँग ४-० गोलले पराजित हुँदै नेपाल प्रतियोगिताबाट बाहिरिएको हो।

छनोटको पहिलो खेलमा नेपाल युएईसँग पनि समान ४-० ले नै पराजित भएको थियो।

इरानसँगको खेलमा पहिलो हाफमा गोलरहित बराबरी खेलेको नेपालले दोस्रो हाफमा चार गोल खायो। इरानसँगको खेलको अन्तिम तिर सम्हालिन नसक्दा नेपालले नमिठो पराजय व्यहोर्नु पर्‍यो। इरानका लागि खेलको ७७ औं मिनेटमा मोहमदमह्दी अहमादी, ८५ औं मिनेटमा कप्तान अहमद रिजा जिलाली, ८६ औं मिनेटमा अलिरिजा मोनाजामी र ९० औं मिनेटमा एरिया बार्जेगरले गोल गरे।

जितसँगै समूह डी को इरानले २ खेलमा ६ अंक जोडेको छ। इरान शीर्ष स्थानमा छ। पुछारमा रहेको नेपाल अंकविहिन रहेको छ। नेपालले छनोटको अन्तिम खेल आईतबार किर्गीस्तानसँग खेल्नेछ।

 

प्रतिक्रिया दिनुहोस्