काठमाडौं- कतार विश्वकप फुटबल २०२२ अन्तरगतको एसिया छनोटको दोस्रो चरणमा नेपालले सुरुवाती घरेलु खेल नखेल्ने भएको छ । सुरुवाती घरेलु खेल आयोजनाका लागि दशरथ रंगशाला सम्पन्न नहुने भन्दै एन्फाले सुरुवाती घरेलु खेल नखेल्ने भएको हो ।
पहिलो पटक एसिया छनोटको दोस्रो चरण खेल खेल्न लागेको नेपालले अब सुरुमा अवे खेल खेल्ने एन्फाले जनाएको छ । बुधबार फिफिले सार्वजनीक गरेको ड्र अनुसार समूह ‘बी’मा रहेको नेपालले छनोट अन्तरगत आफ्नो पहिलो खेल भदौ १९ गेत घरेलु मैदानमा खेल्नु पर्ने थियो ।
त्यस्तै दोस्रो खेल भदौ २४ गते चाइनिज ताईपेसँग र तेस्रो घरेलु खेलमा असोज २८ गते जोर्डनसँग खेल्नु पर्ने थियव । तर, राष्ट्रिय खेलकुद परिषद् राखेपले कात्तिक १५ को समय सिमा राखेर रंगशाला हस्तान्तरणका लागि ठेकेदार कम्पनीलाई निर्देशन दिएपछि सुरुवाती तीन घरेलु खेलको सट्टा अवे खेल खेल्ने भएको हो ।
त्यसका लागि एन्फाले सम्बन्धित देशका फुटबल संघलाई पत्र लेख्दै सुरुमा ‘अवे खेल’का लागि सहमती माग गरेको छ । उनीहरुले औपचारिक रुपमा सहमतीको पत्राचार गरेपछि एएफसीमा पत्राचार गर्ने एन्फाले जनाएको छ । दोस्रो चरणको छनोटबाट ८ समूह विजेता र ४ उत्कृष्ट उपविजेता गरी १२ टोलीले एसियाको अन्तिम छनोटमा स्थान बनाउने छन् ।
प्रकाशित: Dec 31, 2017| 18:23 आइतबार, पुस १६, २०७४