हुम्ला - हुम्लामा एक स्वाथ्यकर्मीले झुण्डिएर आत्महत्या गरेका छन्।
सर्केगार्ड गाउँपालिका वडा नम्बर २ को रिप स्वास्थ्य चौकीमा कार्यरत अहेब भुवनेश्वर आचार्यले डिभिजन वन कार्यालयको माथिल्लो तलाको बार्दलीमा झुण्डिएर आत्महत्या गरेका हुन्।
शवमा घाउ चोट नदेखिएकोले उनले आत्महत्या नै गरेको हुनसक्ने प्रहरीले अनुमान गरेको छ। कैलालीको टिकापुर घर भएका आचार्यको आत्महत्याका सम्बन्धमा थप अनुसन्धान भइरहेको प्रहरीले जानकारी दिएको छ। मृतकका दुई सन्तान र एक श्रीमति छन्।
प्रकाशित: Dec 31, 2017| 18:23 आइतबार, पुस १६, २०७४