धनगढी बम विस्फोट : आर्यघाटबाटै दुई पक्राउ         

धनगढी - बिहीबार धनगढीमा भएको बम विस्फोटमा मृत्यु भएका रामसिंहको दाहसंस्कारमा सरिक भएका दुईजनालाई प्रहरीले पक्राउ गरेको छ। धनगढीस्थित मोहना आर्यघाटमा रामको दाहासंस्कार गरिएको हो। 

दाहसंस्कारबाट फर्कने क्रममै स्कूटीसहित सिता सिंह र प्रकास जप्रेल पक्राउ परेका हुन्। सिता रामकी आफन्त हुन्। सिता र प्रकास दुबैजना विप्लव समुहका कार्यकर्ता भएको बुझिएको छ।
उनीहरुलाई पक्राउ गरिएको बारेमा प्रहरीले भने कुनै प्रतिक्रिया जनाएको छैन। कैलालीका प्रहरी उपरीक्षक सुदिप गिरीले यसबारे आफूलाई जानकारी नभएको प्रतिक्रिया दिए।