काठमाडौं- सर्वोच्च अदालतले नेत्रविक्रम चन्द विप्लव नेतृत्वको नेपाल कम्युनिष्ट पार्टीका ७ जना नेतालाई रिहा गर्न आदेश दिएको छ।
अदालतले पक्राउ परेका भक्तपुर जिल्ला सेक्रेटेरीसहित ७ नेतालाई छोड्न बिहीबार आदेश दिएको हो।
सर्वोच्चले बन्दी प्रत्यक्षीकरणको रिटको सुनुवाइ गर्दै प्रहरीले लगाएको आरोप पुष्ट नभएको भन्दै सातै जनालाई रिहा गर्न आदेश दिएको हो।
रिट निवेदनमा भएको बहसमा न्यायाधिश ईश्वर खतिवडा, तेज बहादुर केसी र बमकुमार श्रेष्ठको पूर्ण इजलासले रिहा गर्न आदेश दिएको हो।
रामेछापका तेजबहादुर मोक्तान, सल्यानका चित्रकमल ओली, रोल्पाका बुद्दिलाल पुन, झापाका तेजराज काफ्ले र डम्बरबहादुर तामाङ, ओखलढुंगाका बुद्दिबहादुर सुनुवार तथा भक्तपुरका राकेश श्रेष्ठसहित ७ जनालाई राज्यले प्रहरी हिरासतमा गैरन्यायिक तरिकाले थुनामा राखेको जनाउँदै तत्काल रिहाइको मागसहित अर्जुन तामाङले बन्दी प्रत्यक्षीकरण रिट निवेदन दायर गरेका थिए।
प्रकाशित: Dec 31, 2017| 18:23 आइतबार, पुस १६, २०७४