हरियो साउन (फोटो फिचर)

काठमाडौं – सूर्य मिथुनबाट कर्कट राशिमा प्रवेश गरेसँगै आजदेखि साउन महिना सुरु भएको छ। 

यस महिना हिन्दू धर्मावलम्वी महिला हातमा मेहन्दी तथा हरियो चुरा लगाउँछन्। मेहन्दी, चुरा, पोते लगाएमा भगवान् खुसी हुने जनविश्वास छ। मेहन्दीलाई शुभकार्यमा लगाउने परम्परा छ। 

तर अचेल मेहन्दीलाई धेरैले फेसनका रुपमा लिन थालेका छन्। हरियो, पहँेलो र रातो चुरा लिने युवती प्रायः चुरासँग म्याच गर्ने गाजल, टीका किन्न राजधानीका शृंगार पसलमा भीड लागेको छ। 

साउन महिनालाई हरियो चुरा र मेहन्दीको महिनाका रुपमा पनि हेरिन्छ। महिलाहरु साउने संक्रान्तिका दिनदेखि एक महिना सौभाग्यको प्रतीक हरियो चुरा र मेहन्दी लगाउनाका साथै सोमबारे ब्रत बस्छन्।

तस्बिर : नेपाल समय