सोमबार, जेठ १२, २०७७

समाचार

उपत्यका प्रवेश गर्ने टिपरलाई नयाँ नियम

1572934225Tipper.jpg

काठमाडौं- काठमाडौ उपत्यकाभित्र प्रवेश गर्ने टिपरका लागि नयाँ नियम लागू गरिने भएको छ।

महानगरीय ट्राफिक प्रहरी महाशाखामा सम्बन्धित यातायात व्यवसायीसँगको छलफलबाट नयाँ नियम लागू गर्ने निर्णय भएको हो। अब उपत्यकाभित्र प्रवेश गर्ने टिपरले पछाडिको भागमा दुवैतिर नम्बर प्लेट राख्नुपर्ने छ।

यस्तै, टिपरको अगाडिपट्टि सिसामाथि सजाइने झल्लरी पनि हटाउनु पर्नेछ। ठूलो आवाजमा गीत, संगीत सुन्न राखिएका वुफर हटाउनुका साथै लुकिङ ग्लास पनि दुरुस्त राख्नुपर्ने छ। यी नियम १५ दिनमा लागू गरिने महाशाखाले जनाएको छ।

यसैगरी, काठमाडौं–सिन्धुपाल्चोक रुटमा सञ्चालन हुने हेलम्बु यातायातका बसले हुड पनि हटाइनुपर्ने भएको छ। छतमा यात्रु चढ्दा तथा सामान राख्दा सवारी साधन अनियन्त्रित भई दुर्घटना हुने गरेकाले हुड हटाउने निर्णय गरिएको महानगरीय ट्राफिक प्रहरी महाशाखाले जनाएको छ।

प्रतिक्रिया दिनुहोस्