एजेन्सी- ब्राजिलियन मिडफिल्डर फिलिप्पे काउटिन्होले लिभरपुलको प्रस्ताव स्वीकार गरेका छन् । रिपोर्टका अनुसार काउटिन्होले बार्सिलोनाबाट लोनमा लिभरपुलको प्रस्ताव स्वीकार गरेको जनाएको छ ।
एथ्लेटिको मड्रिडबाट एन्टोनी ग्रिजमन बार्सिलोना पुगेसँगै काउटिन्होको अवसर कम हुन सक्ने रिपोर्टमा उल्लेख छ । तर, बार्सिलोनाले फ्रेन्चम्यान ग्रिजमनलाई ७ नम्बरको सट्टा १७ नम्बरको जर्सि दिएको छ । त्यसैले कतिपएले उनी बार्सिलोनाको मिडफिल्डरको रुपमा रहने आसा व्यक्त गरेका छन् ।
मिरोरका अनुसार यकातर्फी पछिल्लो समय पेरिस सेन्ट जर्मन (पिएसजी)बाट नेयमारलाई अनुबन्ध गर्न २७ वर्षीय काउटिन्होलाई बाहिर निकाल्नु पर्ने अटकल जारी छ । युरोपियन च्याम्पियन लिभरपुल काउटिन्होका लागि दौडमा रहेको बताइएको छ ।
र काउटिन्हो जुर्गन क्लोपसँग काम गर्ने एक आकर्षक सम्भावना भएको जनाएको छ । रिपोर्टका अनुसार लिभरपुलले उनका लागि दुई वर्षको लोन अनुबन्धका लागि ८८ मिलियन पाउण्डको प्रस्ताव गरेको छ।
यसअघि नै काउटिन्होका एजेन्ट किआ जूरालचियनले पहिले नै उनी लिभरपुल बाहेक अन्य प्रिमियर लिग क्लबका लागि खेल्न नसक्ने संकेत दिएका थिए । जसले जनवरी २०१८ मा बार्सिलोनाका लागि १४२ मिलियन पाउण्डमा छोडेको थियो ।
प्रकाशित: Dec 31, 2017| 18:23 आइतबार, पुस १६, २०७४