काठमाडौं- गुण्डा नाइके निमा भन्ने राजेन्द्र लामा पक्राउ परेका छन् । महानगरीय प्रहरी परिसरको टोलीले मंगलबार बिहान काठमाडौंको कोटेश्वरबाट उनलाई पक्राउ गरेको हो ।
परिसरका प्रमुख एसएसपी उत्तम सुवेदीका अनुसार पक्राउ परेका निमालाई टेकुमा राखिएको छ । उनलाई प्रहरीले पहिलेदेखि नै विशेष निगरानीमा राखेको थियो ।
ज्यान मार्ने उद्योगमा यसअघि पनि पक्राउ परेका उनले पछिल्लो समयमा सो क्षेत्रमा व्यवसायीलाई धम्की दिने, चन्दा संकलन गर्नेलगायतका काम गरेको पाइएपछि उनलाई पक्राउ गरिएको प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४