काठमाडौं - सांसदहरुलाई बाढी तथा पहिरो प्रभावित क्षेत्रमा सक्रिय हुन भन्दै प्रतिनिधि सभाको बैठक स्थगित भएको छ।
सोमबारका लागि बोलाइएको बैठक साउन ८ गते बुधबारका लागि स्थगित भएको हो।
बाढी तथा पहिरो प्रभावित क्षेत्रमा जानु पर्ने भएकाले बैठक स्थगित गर्नु परेको संसदीय सचिवालयद्धारा जारी सूचनामा भनिएको छ।
यसैबीच, आजको प्रतिनिधि सभाको बैठक स्थगित गर्नका लागि प्रमुख प्रतिपक्षी दल नेपाली कांग्रेस र प्रतिपक्षी दल राष्ट्रिय जनता पार्टी (राजपा) ले माग गरेका थिए।
प्रकाशित: Dec 31, 2017| 18:23 आइतबार, पुस १६, २०७४