काठमाडौं– प्रतिपक्षी दल नेकपा एमालेले सरकारले देशमा राजनीतिक विकृति भित्र्याएको टिप्पणी गरेको छ। नेकपा एमालेका नेता प्रदीप ज्ञवालीले जनादेशको अवमूल्यन गर्दै परमादेशको सरकारले राजनीतिमा विकृति भित्र्याएको बताएका हुन्।
दल विभाजनसम्बन्धी अध्यादेश र भूमिहिन आयोग खारेज त्यसैको उदाहरण भएको उनले तर्क गरे। सरकार जनमैत्री काम गर्नुपर्नेमा मुलुकमा अस्थिरता सिर्जना गर्न उद्दत रहेको एमालेको आरोप छ।
‘जयसिंह धामी बेपत्ता प्रकरणको लाचारीपन र अफगानिस्तानमा रहेका नेपालीलाई स्वदेश फिर्ता ल्याउन देखिएको गैरजिम्मेवारपनले सरकारको तानाशाही चरित्र उदांगो भएको छ,’ ज्ञवालीले भने।