काठमाडौं- सत्यनारायण स्मृति राष्ट्रिय अन्तरविद्यालय टेबलटेनिस प्रतियोगितामा आदर्श विद्या मन्दिर (एभिएम) च्याम्पियन बनेको छ । आइतबार सम्पन्न चार दिने प्रतियोगितामा एभिएमले ११ स्वार्ण, ६ रजत र ६ कास्य जित्दै टिम च्याम्पियन बनेको हो ।
१५ स्र्वा पदकका लागि भएको प्रतिस्पर्धामा एभिएमले ११ स्वर्ण जितेको हो । त्यस्तै प्रतियोगितामा लिभरपुल टिम दोस्रो बनेको छ । लिभरपुलले १ स्वर्ण, १ रजत र १ कास्य जित्यो ।
यू-१४ गल्समा एभिएमकी इभाना थापा मगरले स्वर्ण जित्दा प्रोक्सिमाकी दिया देउलाले रजत तथा जनक नाथकी इना डङ्गोल र प्रभातकी आरती सुवालले कास्य जिते । गल्सकै यू-१६ तर्फ एभिएमकै समिरा श्रेष्ठले स्र्वा जित्दा प्रनिका कुँवरले रजत तथा कृतिका तामाङ र अस्तिका थापाले कास्य पदक जिते ।
मिक्स डबल्सतर्फ एभिएमका बिशाल गोले र बिएन्का राईको जोडीले स्वर्ण जिते । त्यस्तै रुविन महर्जन र इभाना थापा मगरको जोडीले रजत पदक जित्दा रोमन थापा मगर र दिया देउला तथा सुजन गडाल र समिरा श्रेष्ठको जोडीले कास्य पदक जिते ।
ब्वाइज डबल्समा बिशाल गोले र रुबिन महर्जनको जोडीले स्वर्ण, सुजन गडाल र समिर खत्रिको जोडीले रजत जिते । त्यस्तै विश्व बानिया र प्रतिक जङ बस्नेत तथा नवराज राई र सरुन श्रेष्ठको जोडीले कास्य जिते ।
यू-१८ को गल्सतर्फ लिभरपुलकी अन्जु सुवालले स्वर्ण, लिभरपुलकै मन्जु सुवालले रजत तथा लिभरपुलकी मन्जु सुवाल र एभिएमकी हिमाली कास्यले कास्य जिते । सोहि स्पर्धाको ब्वाइजतर्फ एभिएमका संयोग पकालीले स्वर्ण तथा एभिएमकै अच्युत पौडेलले रजत पदक जिते ।
प्रकाशित: Dec 31, 2017| 18:23 आइतबार, पुस १६, २०७४