एजेन्सी- आइसिसी एकदिवसीय विश्वकप क्रिकेटमा नाथन कुल्टर नाइल र स्टेभन स्मिथलको उत्कृष्ट अर्धशतकको मद्दतले अष्ट्रेलियाले वेस्टइन्डिजलाई जितका लागि २ सय ८९ रनको मध्यम लक्ष्य सुम्पेको छ ।
टस हारेर पहिले ब्याटिङको निम्तो पाएको अष्ट्रेलियाले ४९ ओभरमा सबै विकेट गुमाउँदै २ सय ८८ रन जोडेको हो । अष्ट्रेलियाका लागि नाथन कुल्टर नाइलले ९२ रनको उत्कृष्ट पारी खेले । उनले ६० बलमा ८ चौका र ४ छक्का प्रहार गर्दै ९२ रनको योगदान दिएका हुन् ।
त्यस्तै स्टेभन स्मिथलले ७३ रनको उत्कृष्ट अर्धशतकीय पारी खेले । उनले १०३ बलमा ७ चौका प्रहार गर्दै ७३ रनको योगदान दिए । एलेक्स क्यारीले ४५ रन जोडे । उनले ५५ बलमा ७ को मद्दतले ४५ रन जोडेका हुन् ।
माक्र्युस स्टोनीसले १९, उस्मान खावाजाले १३ रन जोड्न बाहेक अन्य ब्याट्सम्यान वेस्टइन्डिजका बलर सामु क्रिजमा जम्न सकेनन् ।
वेस्टइन्डिजका लागि कर्लोस ब्राथ्वेइटेले तीन विकेट लिए । त्यस्तै शेल्डोन कोट्रेल, आन्द्रे रसेल र ओस्माने थोमसले समान दुई दुई विकेट लिँदा । जसन होल्डरले एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४