काठमाडौं - विश्व वातावरण दिवसको अवसर पारेर काठमाडौं महानगरपालिका, फोहर मैला व्यवस्थापन संघ नेपाल र वातावरण संरक्षण महासंघ नेपालले मंगलबार राजधानीमा संयुक्त कार्यक्रम आयोजना गरेका छन्। यस क्रममा ‘स्वच्छ वायु, स्वस्थ जीवन’ भन्ने नाराका र्याली निकालिएको थियो। र्याली सहरका विभिन्न भाग परिक्रमा गरी राष्ट्रियसभा गृहमा पुगेर सभामा परिणत भएको थियो।
कार्यक्रममा काठमाडौं महानगरपालिका प्रमुख विद्यासुन्दर शाक्यले फोहरले सहरलाई कुरुप बनाइरहेको बताए। उनले महानगरले मात्र फोहर व्यवस्थापन गर्न सम्भव नभएकाले यसमा सबै पक्षको सहयोग आवश्यक रहेको बताए। उनले भने, ‘फोहारलाई न्यूनीकरण गर्दै सहरी सुन्दरता बढाउन सक्रियसाथ आआफ्नो स्थानबाट उठ्न सबैलाई आग्रह गर्दछु।’ कार्यक्रममा विभिन्न स्थानमा सरसफाइ गर्ने कर्मचारीलगायत सरसफाइमा आबद्ध संघसंस्थाका प्रतिनिधि सहभागी थए।
कार्यक्रममा फोहरमैला व्यवस्थापन गर्दै आएको परिवर्तन सेवा प्रालिको स्मारिका 'परिवर्तन सन्देशको' विमाेचन गरिएको थियो।
प्रकाशित: Dec 31, 2017| 18:23 आइतबार, पुस १६, २०७४