काठमाडौं – राष्ट्रिय जनता पार्टी (राजपा) नेपालले प्रदेश २ सरकारलाई संघीयताको मर्म अनुरुप बजेट ल्याउनु सुझाव दिएको छ।
तीन दिनसम्म चलेको राजपा अध्यक्ष मण्डलको बैठकले संघीयताको मर्म र भावना अनुरुप जन विश्वसनियता आर्जन हुने खालको बजेट ल्याउन सुझाव दिएको हो। प्रदेश २ सरकारमा राजपा सत्ता साझेदार रहेको छ।
यसैगरी राजपा अध्यक्ष मण्डलको बैठकले जेठ २१ गते बस्ने अध्यक्ष मण्डलको बैठकमा पार्टीको परिमार्जित विधान उपलब्ध गराउन निर्देशन दिइएको छभने जेठ मसान्तसम्म सदस्यता वितरणको समय थपिएको छ। नेता तथा कार्यकर्ताहरुलाई लेबी बुझाउन निर्देशनसमेत दिएको छ।
प्रकाशित: Dec 31, 2017| 18:23 आइतबार, पुस १६, २०७४