काठमाडौं- गणतन्त्र दिवसको अवसर पारेर बुधबार ४ सय ३४ कैदी रिहा हुँदैछन् ।
मन्त्रिपरिषदको सिफारिसमा राष्ट्रपति विद्यादेवी भण्डारीले बुधबारबाट लागु हुने गरि ४ सय ३४ जना कैदीलाई बाँकी कैद सजाय मिनाहा गरेकी हुन् । उनीहरू बुधबार छुट्दैछन् ।
मन्त्रिपरिषदले गृह मन्त्रालयको प्रस्तावमा गणतन्त्र दिवसका उपलक्ष्यमा ५० प्रतिशत कैद सजाय भुक्तान गरिसकेका कैदीको बाँकी कैद सजाय मिनाहा गरी रिहा गर्ने निर्णय गरेको हो ।
राष्ट्रिय उत्सवको अवसरमा ५० प्रतिशत कैद भुक्तान गरिसकेका कैदीलाई रिहा गर्न सकिने कानुनी प्रावधान छ । तर, गम्भीर प्रकृतिको अपराधमा सजाय भुक्तान गरिरहेका कैदीले भने यस्तो कैद सजायको छुट पाउने छैनन् ।
प्रकाशित: Dec 31, 2017| 18:23 आइतबार, पुस १६, २०७४