काठमाडौं – नेपाली कांग्रेसका प्रवक्ता विश्वप्रकाश शर्माले सरकारले ल्याएको मिडिया काउन्सिल विधेयकलाई कलमको शिरमाथि पञ्चायती तरबार भएको बताएका छन्।
स्वतन्त्र प्रेसमाथि अंकुश लगाउने गरी सरकारले मिडिया काउन्सिल विधेयक ल्याएको भन्दै विधेयक सच्याउन माग गर्दै नेपाल पत्रकार महासंघले आन्दोलनको घोषणा गरेपछि सामाजिक सञ्जालमार्फत शनिबार प्रतिक्रिया दिँदै प्रवक्ता शर्माले विधेयकलाई कलमको शिरमाथि पञ्चायती तरबार भएको प्रतिक्रिया दिएका हुन्।
उनले प्रधानमन्त्री ओलीलाई सिंहदरबारमा पन्चायती भुत कि शास्त्रीय भड्काव भन्ने प्रश्न गर्दै तरबार सुनको या पित्तलको जे भएपनि गर्धनलाई उत्तिकै चोट पुग्ने बताएका छन्।
उनले ट्विटरमा भनेका छन्, 'कलमको शिरमाथी माथी पन्चायती तरबार‘ अर्थात मिडिया काउन्सिल सम्बन्धि विधेयक !
@PM_Nepal सिंहदरबारमा पन्चायती भुत कि शास्त्रीय भड्काव ? तरबार सुनको होस् या पित्तलको गर्धनलाई चोट उस्तै हुन्छ कमरेड !!'
सूचना प्रविधि तथा सञ्चारमन्त्री गोकुल बाँस्कोटोले मिडिया नियमनका लागि संघीय संसदमा दर्ता गरेको ‘नेपाल मिडिया काउन्सिल सम्बन्धि कानूनलाई संशोधन र एकीकरण गर्न बनेको विधेयक’ को विरोध गर्दै महासंघले विभित्र संघर्षका कार्यक्रमहरु घोषणासमेत गरेको छ।