फोरम–नयाँ शक्ति एकता

काठमाडौं - संघीय समाजवादी फोरम नेपाल र नयाँ शक्ति पार्टी नेपालबीच एकीकरण भएको छ। फोरम अध्यक्ष उपेन्द्र यादव र नयाँ शक्ति संयोजक बाबुराम भट्टराईले सोमबार राजधानीमा आयोजित कार्यक्रममा पार्टी एकीकरणको सहमतिपत्रमा हस्ताक्षर गरे।

नयाँ पार्टीको नाम समाजवादी पार्टी नेपाल राखिएको छ । प्रज्ञा प्रतिष्ठान भवनमा आयोजित घोषणासभामा भट्टराई र यादवले नौ बुँदे सहमतिपत्रमा हस्ताक्षर गरेका छन्।

नवगठित पार्टी प्रत्यक्ष निर्वाचित राष्ट्रपति र समानुतिक निर्वाचन प्रणालीमा जाने भएको छ। संविधान संशोधनमार्फत ११ प्रदेशमा राज्य पुनर्संरचना गरेर पहिचानका आधारमा प्रदेशको नामकरण गर्ने सहमति भएको छ।

गत शनिबार भएको सहमतिअनुसार एकतालाई औपचारिकता दिइएको हो। नयाँ दलमा डाक्टर भट्टराई संघीय परिषदको अध्यक्ष र उपेन्द्र यादव केन्द्रीय समितिको अध्यक्ष बन्नेका छन्।

तीन सय सदस्यीय केन्द्रीय समिति बनाउने र समितिमा २ सय जना फोरमका र ९९ जना नयाँ शक्तिका केन्द्रीय सदस्य रहने सहमति छ।

यस्तो छ सहमतिको आधारपत्र