‘मेस्सीको ६०० गोलले रोनाल्डोलाई तनाव’

एजेन्सी- पोर्चुगिज तथा युभेन्ट्सका स्टार खेलाडी क्रिस्टियानो रोनाल्डो जारी सिजनको इटालीयन सिरी ए फुटबलको शीर्ष गोल कर्ता हुन् । तर, उनी अर्जेन्टिनी तथा बार्सिलोनाका कप्तान लियोनल मेस्सीले आफ्नो क्लबका लागि ६०० गोल पुरा गरेसँगै रोनाल्डोलाई तनाव बढेको उनका प्रशिक्षक मासिमिलियानो एलेग्रिल बताइएका छन् । 

मेस्सीले च्यािम्पयनस लिग अन्तर्गत सेमिफाइनलको पहिलो लेगमा लिभरपुलसँग दुई गोल गर्दै बार्सिलोनाका लागि आफ्नो करियरको ६०० गोल पुरा गरेका थिए । यससँगै युभेन्ट्सका प्रशिक्षक मासिमिलियानो एलेग्रिले रोनाल्डो थप गोलको खोजीमा रहेको बताएका छन् । 

‘रोनाल्डो युभेन्ट्समा थप गोल गर्दै शीर्ष गोलकर्ताको रुपमा सिजनको अन्त्य गर्न चाहन्छन् । उनी थप गोलको खोजीमा छन् ।’ प्रशिक्षक एलेग्रिले भने, ‘मेस्सी रोनाल्डोका लागि एक प्रोत्साहन हुन् । हामीसँग एक डर्बी छ र मेस्सीले ६०० गोल पुरा गरेका छन् ।’ 

रानाल्डोले जारी सिजनको सिरी ‘ए’का २९ खेल खेल्दै २१ गोल गरेका छन् । उनले युभेन्ट्सका लागि सबै खाले ४१ खेलमा २८ गोल गरेका हुन् । यता मेस्सीले ला लिगाका ३२ खेलमा ३४ गोल गरेका छन् भने सबै खाले ४६ खेलमा ४८ गोल गरेका छन् ।