कोलोम्बो – श्रीलङ्कामा गत अप्रिल २१ मा शृङ्खलाबद्ध रुपमा भएका आत्मघाती आक्रमणमा ज्यान गुमााएका २५३ जना मध्ये ४२ जना विदेशी नागरिक रहेको अधिकारीहरुले मङ्गलबार पुष्टि गरेका छन्।
अझै पनि १२ विदेशी नागारिक वेपत्ता रहेका विदेशी मन्त्रालयका अधिकारीहरुले जानकारी दिएका छन्। तीन ओटा चर्च र तीन ओटा होटलमा भएका आत्मघाती आक्रमणमा परि घाइते भएका पाँच जना विदेशी नागरिक अझै पनि उचारार्थ अस्पतालमा भर्ना भएका बताइएको छ।
श्रीलङ्काको विदेश मन्त्रलयद्वारा जारी विज्ञप्ति अनुसार यस आक्रमणहरुमा मारिएका सब भन्दा बढी विदेशी नागरिक भारतका रहेका छन्। भारतका १२ जना नागरिक रहेका छन्। त्यसपछि क्रमशः बेलायतका छ जना, चीनका चार जना र डेनमार्कका तीन जना रहेका छन्।
त्यसगरी साउदी अरेबिया, स्पेन र टर्कीका दुई–दुई जनाले ज्यान गुमाएका थिगए। बङ्गलादेश, जापान, नेदरल्याण्ड, पोर्चुगल स्विट्जरल्याण्ड र संयुक्त राज्य अमेरिकाका एक–एक नागरिकको आक्रमणमा परी मृत्यु भएको छ।
यसअघि प्राप्त समाचारमा श्रीलङ्कामा भएको यस आक्रमणमा परी ४० विदेश नागरिक मारिएका उल्लेख गरिएको थियो।
प्रकाशित: Dec 31, 2017| 18:23 आइतबार, पुस १६, २०७४