काठमाडौं – शताब्दी पुरूष सत्यमोहन जोशीको शताब्दी वर्ष ललितपुर महानगरपालिकाले भव्यरुपमा मनाउने भएको छ। बैशाख ३० गते सय वर्ष पुग्न लागेका जोशीको जन्म शताब्दी वर्षभरी विभिद कार्यक्रमगरी मनाउने महानगरपालिकाले जनाएको छ।
महानगरपालिकाको दोस्रो नगरसभाले वि.सं. २०७६ बैशाख ३० गतेदेखि एक वर्ष भरि २०७७ बैशाख ३० गतेसम्म विभिन्न कार्यक्रम गरी जन्मशताब्दी मनाउने निर्णय गरेको थियो। ललितपुर महानगरपालिकाका मेयर चिरीबाबु महर्जनले आफ्नो नेतृत्वमा सतवार्षिकी मनाउनका लागि एक सय ११ सदस्य समिति गठन गरेका छन्।
महानगरपालिकाले जोशीको सतवार्षिकीका अवसरमा उनले लेखेको ‘सेतो चैत्य’ पुस्तक अंग्रेजीमा अनुवाद गर्ने, ‘चारूती’ को पाण्डुलिपिलाई नेपाली प्रकाशन गर्ने, जोशीको जीवनी पुस्तकमा समावेशको लागि पहल गर्ने, जोशीको जन्मोत्सवको अवसरमा निमार्ण हुँने वेवसाइडमा उनीसँग सम्वन्धित पाठ्या सामग्री राख्ने, सरकारसँगको समन्वयमा जोशीको तस्बिर अंकित हुलाक टिकट प्रकाशन गर्ने लगायतका कार्यक्रमको घोषणा गरेको छ।
यस्तै, महानगापालिकाले जोशीको तस्बिर अंकित विभिन्न दर रेटका मुन्द्रा निस्कासन गर्ने प्रक्रिया भइरहेकोसमेत जानकारी दिएको छ।
प्रकाशित: Dec 31, 2017| 18:23 आइतबार, पुस १६, २०७४