काठमाडौं- राष्ट्रिय प्रजातन्त्र पार्टी (राप्रपा)ले धर्म निरपेक्षताविरुद्ध आन्दोलित बनेको छ । उसले आज शुक्रबार धर्मनिरपेक्षताको व्यपानर र पोस्टर जलाउँदै प्रदर्शन गर्ने भएको छ ।
दिउँसो २ बजे रत्नपार्कमा धर्मनिरपेक्षता खारेज गर्न माग गर्दै प्रदर्शन गर्न लागेको राप्रपाका प्रचार विभाग प्रमुख मोहन श्रेष्ठले जानकारी दिए । धर्म निरपेक्षताको नाममा हिन्दु धर्म मास्ने काम भएको भन्दै राप्रपाले त्यसको विरुद्धमा आवाज उठाएको उनले बताए ।
यस्तै राप्रपाका अध्यक्ष कमल थापाले विरोध प्रदर्शनमा उपस्थित हुन आफ्ना सम्पूर्ण नेता तथा कार्यकर्तालाई निर्देशन दिएका छन् । हिन्दु धर्म मास्ने राज्यको ग्रान्ड डिजाइनको भन्डाफोर गर्दै हिन्दु राष्ट्रको पक्षमा आवाज उठाउन उसले सबैसँग अपिल समेत गरेका छन् ।
उनले एक ट्वीट गर्दै घरमा जपेर हिन्दु राष्ट्र नआउने भएकाले सडकमा ओर्लन सबैलाई अपिल गरेका छन् । उनले लेखेका छन्– ‘घर बसेर, माला जपेर हिन्दुराष्ट्र आउंदैन, ‘सडकमा उत्रिए हिन्दुराष्ट्र बनाउन धेरै दिन लाग्दैन ।’
प्रकाशित: Dec 31, 2017| 18:23 आइतबार, पुस १६, २०७४