काठमाडौं- धर्म, संस्कृति र परम्परा संरक्षित रहने सनातन हिन्दु राष्ट्र नेपालका पक्षमा आगामी जेठ ४ गते भहाभेला आयोजना गरिने भएको छ ।
आम नेपालीको भूमि, भावना र भविष्य सुरक्षित गर्न नसक्ने संघीयता खारेज गर्नुपर्ने, आरक्षणको सट्टा सबलीकरण गरेर पछाडि पारिएका व्यक्तिलाई राज्यको मूल प्रवाहमा ल्याउनुपर्ने मुद्दा महाभेलामा उठाइने अभियन्ता नारायणप्रसाद कोइरालाले जानकारी दिए ।
सुशासन र पारदर्शितासहितको भ्रष्टाचारमुक्त नेपाल निर्माण गर्नुपर्ने, सार्वजनिक भूमिकामा रहेका व्यक्तिको छानबिन गरी भ्रष्टाचारीलाई सजाय दिनुपर्ने तथा नेपाल र नेपालीको हितविपरीतका एजेन्डाविरुद्ध दृढतापूर्वक उभिन भेला आयोजना गर्न लागिएको हो । अभियन्ता कोइरालाले भने, ‘देशका हरेक क्षेत्रमा विकृति आएका छन् ।
यत्तिकै बसेर टुलुटुलु हेर्नुभन्दा केही गरौं भन्ने भावनाले महाभियान गर्न लागेका हौं ।’ कुनै राजनीतिक मुद्दामा मात्र सीमित नभएकाले यसमा जोसुकै पनि सहभागी हुन सक्ने कोइरालाले बताए ।
प्रकाशित: Dec 31, 2017| 18:23 आइतबार, पुस १६, २०७४