एजेन्सी-इन्डियन प्रिमियर लिग (आइपिएल) क्रिकेटमा किङ्स इलाभेन पन्जावले राजस्थान रोयल्सलाई पराजित गरेको छ । मंगलबार राती भएको खेलमा पन्जावले राजस्थानलाई १२ रनले हराएको हो ।
पन्जाबले दिएको १ सय ८३ रनको लक्ष्यसहित जवाफी ब्याटिङ गरेको राजस्थानले निर्धारित २० ओभरमा ७ विकेट गुमाएर मात्र १ सय ६८ रन बनाउन सक्यो । राजस्थानका लागि राहुल त्रिपाठीले ५० रनको अर्धशतकीय पारी खेले पनि टोलीको जितका लागी प्रयाप्त भएन् ।
उनले ४५ बलको सामना गर्दै ४ चौको मद्दतमा ५० रन जागेका थिए । स्टुवार्ड बिनीले अविजित ३३ रन जोडे । उनले आक्रमक ब्याटिङ गर्दै मात्र ११ बलमा २ चौका र ३ छक्का प्रहार गरेका थिए । त्यस्तै संजु सामसनले २७, अन्जिंका रहानेले २६ र जोश बट्लरले २३ रन जोड्न बाहेका अन्य ब्याट्सम्यानले रन बटुल्न सकेनन् । पन्जाबका अर्शदिप सिंह, रविचन्द्र आश्विन र मोहमद शामीले समान २-२ विकेट लिए ।
यसअघि टस हारेर पहिले ब्याटिङ गरेको पन्जावले २० ओभरमा ६ विकेट गुमाएर १ सय ८२ रन जोडेको थियो । पन्जावका लागि लोकेश राहुलले ५२ रनको अर्धशतकीय पारी खेलेका थिए ।
उनले ४७ बलमा तीन चौका र २ छक्का प्रहर गर्दै ५२ रन जोडेका थिए । डेभिड मिल्लरले २७ बलमा समान दुई चौका र दुई छक्का प्रहार गर्दै ४० रन जोडे । त्यस्तै क्रिस गेलले ३०, मायांक अग्रवालले २६र रविचन्द्र आश्विनले १७ रन जोडेका थिए । राजस्थानका जोफ्रा आर्चरले ३ विकेट लिए ।
यसजितसँगै पन्जावले ९ खेलबाट १० अंक जोड्दै चौथो स्थानमा रहेको छ । पराजित राजस्थान ८ खेलबाट ४ अंक जोडेर पुछारबाट दोस्रो स्थानमा छ ।
प्रकाशित: Dec 31, 2017| 18:23 आइतबार, पुस १६, २०७४