मोटरसाइकलको ठक्करबाट महिलाको ज्यान गयो

धनगढी – धनगढीमा मोटरसाइकलले ठक्कर दिँदा एक महिलाको मृत्यु भएको छ। मंगलबार साझ धनगढी उपमहानगरपालिका वडा नम्बर १९  फुलबारीमा से १प ५३५० नम्बरको मोटरसाइकलले ठक्कर दिँदा पैदल यात्रा गरिरहेकी सोही स्थानकी ५० वर्षीया सरस्वती अधिकारीको मृत्यु भएको प्रहरीले जनाएको छ। 

कैलालीका प्रहरी नायब उपरिक्षक दक्ष बहादुर बस्नेतका अनुसार अधिकारीलाई उपचारका लागि सेती अञ्चल अस्पताल ल्याइएकोमा अस्पतालमै मृत्यु भएको हो। 

मोटरसाइकल चालक गोदावरी नगरपालिकाका राम प्रसाद चौधरीको अवस्था गम्भीर रहेको छ। उनको अहिले सेती अञ्चल अस्पतालमा उपचार भइरहेको छ।