टोखामा ऐतिहासिक जात्रा (फोटो फिचर)

काठमाडौं – प्राचीन तथा ऐतिहासिक नगर टोखामा यतिखेर सपनतीर्थ र बिस्केटजात्राको रौनकमा छ। हरेक बर्ष बिक्रमसम्बतको नयाँवर्षमा मनाइँदै आएको विस्केट जात्रालाई यसपटक थप व्यवस्थित बनाएको छ। 

भक्तपुरभन्दा पनि पुरानो मानिने टोखाको बिस्केट जात्रालाई उल्लासका साथ मनाइएको छ। नेपालको सबभन्दा पुरानो विस्केट जात्रा मानिएको जात्रा आवश्यक प्रचार प्रसारको अभावमा ओझेलमा परेको भन्दै आयोजकले यसपटक विशेष रुपमा मनाएको हाे। नेवारी संस्कृति र सभ्यताको बैभवशाली टोखा नगरमा यो वर्ष सपनतीर्थ र बिस्केट जात्रा मनाउन टोखा विस्केट जात्रा मूल व्यवस्थापन समिति नेवाः गुथी टोखाले विशेष तयारी गरेको थियो।