काठमाडौं - काठमाडौं उपत्यकामा मनाइने सेतो मछिन्द्रनाथको रथ जात्रा शनिबारबाट सुरु भएको छ। आज पहिलो दिन सेतो मछिन्द्रनाथको रथ दरबारमार्गबाट तानेर असनसम्म लगिएको छ।
रथजात्रा मुल व्यवस्थापन समितिका अनुसार उपत्यकाका वृद्धवृद्धालाई दर्शन गराउँन रथलाई नगर परिक्रमा गराउँने चलन अनुसार रथलाई नगर घुमाइँदैछ।
सेतो मछिन्द्रनाथ वर्षा र सहकालका देवताको रुपमा लिइन्छ। सेतो मछिन्द्रनाथको र्दशन गरे सुख, सुस्वास्थ, दीर्घायु तथा आर्थिक उन्नति हुने विश्वास छ।
बैशाख २ गतेसम्म हुने रथयात्राका लागि स्थानीय सर्वसाधारणले उल्लेख्य सहयोग गरेको सेतो मच्छिन्द्रनाथ रथजात्रा व्यवस्थापन समितिले जनाएको छ।