काठमाडौं - सङ्घीय मामिला तथा सामान्य प्रशासनमन्त्री लालबाबु पण्डितले चिकित्सकका माग संविधान र संघीयता विरोधि भएको आरोप लगाएका छन्।
धनगढीमा बिहीबार आयोजित साक्षत्कार कार्यक्रममा मन्त्री पण्डितले समायोजनको विषयलाई लिएर चिकित्सकले उठाएका माग उपयुक्त नभएको बताए। 'चिकित्सकका माग संविधान र संघीयता विरोधी छन्।', उनले भने, 'कर्मचारीका जायज मागप्रति भने सरकार गम्भीर छ।'
मन्त्री पण्डितले समायोजनका विषयमा कर्मचारीले गरेका गुनासाका बारेमा छानबिन भइरहेको जानकारी दिए। कर्मचारी व्यवस्थापनको काम पूरा गरेर सरकारले आफ्ना काममा गति ल्याउन चाहेको उनको भनाइ छ।
प्रकाशित: Dec 31, 2017| 18:23 आइतबार, पुस १६, २०७४