बाँके- आठौँ राष्ट्रिय खेलकुद प्रतियोगिता अर्न्तगत बिहीवार भएको पुरुष हक्कीमा विभागिय टोली नेपाल पुलिस क्लब र नेपाल आर्मीले विजयी सुरुवात गरेको । पुलिसले गण्डकी प्रदेशलाई ५-० गोलले पराजित गरेको हो भने आर्मीले प्रदेश नं. २ लाई १-० को अन्तरले पराजित गरेको हो ।
गण्डकी प्रदेशलाई प्रतियोगिता अवधिभर दबाबमा राखेको नेपाल पुलिसका लागि तर्फबाट पाँच वटै गोल जर्सी रोमन राणाले गरे । उनले खेलको १० औँ, १२ औँ, ३८ औँ, ४५ औँ र ५५ औँ मिनेटमा गोल गरेका हुन् ।
त्यस्तै दोस्रो खेलमा नेपाल आर्मीले प्रदेश नं. २ लाई पराजित गर्न राम शाहले ५६ मिनेटमा गोल गरेका थिए । तर, उक्त गोललाई मान्यता दिने विषयमा विवाद भएपछि प्रदेश २ खेलबाट बाहिरिएको थियो । खेलमा आर्मीले ८ वटा कर्नर पेलान्टीको अवसर पाएको थियो । बिहीबारको तेस्रो खेल अपरान्ह ४ बजेपछि कर्णाली प्रदेश र सुदूरपश्चिम प्रदेशबीच हुनेछ ।
प्रकाशित: Dec 31, 2017| 18:23 आइतबार, पुस १६, २०७४