यस्तो छ बार्सिलोना र युनाइटेडको हेड टु हेड

एजेन्सी- स्पेनिस महारथी क्लब बार्सिलोना र इंग्लिस क्लब म्यानचेस्टर युनाइटेड आज (बुधरबार) राती च्याम्पियन्स लिग अन्तर्गत क्वाटरफाइनलको पहिलो लेगमा आमने सामने हुँदै छन् । खेल युनाइटेडको घरेलु मैदान ओल्ड ट्राफोर्डमा हुने छ । 

पछिल्लो ११ बर्षको इतिहास हेर्ने हो भने बार्सिलोना र युनाइटेड ६ पटक प्रतिस्पर्धा गरेका छन् । जहाँ दुबै टोलीको नतिजा समान देखीएको छ । तर, गोल अन्तर भने बार्सिलोनाको बढी छ । 

दुबै टोलीले ६ पटक भिड्दा समान दुई खेलमा जित, दुई खेलमा हार र दुई खेलमा बराबरी खेलेका छन् । बार्सिलोनाले युनाइटेडविरुद्ध ६ गोल गरेको छ भने युनाइटेडले बार्सिलोनाविरुद्ध तीन गोल मात्र गर्न सकेको छ । 

सन् २००८ को २३ अप्रिलमा च्याम्पियन्स लिगम भएको पहिलो लेगमा दुबै टोलीले बराबरी खेलेका थिए । तर, २९ अप्रिलमा भएको दोस्रो लेगमा बार्सिलोना युभेन्टससँग १-० गोल अन्तरले पराजित हुँदै च्याम्पियनस लिगबाट बाहिरिएको थियो ।

त्यसपछि सन् २००९ को २७ मे मा भएको खेलमा बार्सिलोनाले युनाइटेडलाई २-० ले पराजित गरेका थियो । त्यस्तै २०११ को २८ मे मा भएको खेलमा बार्सिलोना ३-१ ले विजयी भयो । 

२०११ कै ३० जुलाईमा भएको खेलमा युनाइटेड बार्सिलोनाविरुद्ध २-१ गोल अन्तरले पराजित भएको थियो । तर, पछिल्लो अन्तिम भेटमा दुबै टोलीले बराबरी खेलेका छन् । २०१२ को ८ अगस्टमा भएको पछिल्लो भेटमा दुबै टोलीले गोल रहित बराबरी खेलेका हुन् । 

यस खेलका लागि बार्सिलोनाले कप्तान लियोनल मेस्सी, लुइस स्वारेज, डेम्बेले, र फिलिप्पे काउटिन्होलाई प्रमुख हरिया बनाउने छ । बार्सिलोनाका लागि जारी सिजनमा मेस्सीले ४४ गोल गर्दा स्वारेजले २४, डेम्बेलेले १४ र काउटिन्होले १० गोल गरेका छन् । 

त्यस्तै यता युनाइटेडका लागि लुकाकु, पोग्वा, रासफोर्ड र माट्रियल प्रमुख हतियार हुने छन् । युनाइटेडका लागि लुकाकुले १५ गोल गरेका छन् भने पोग्वाले १४, रासफोर्डले १३ र माट्रियलले १२ गोल गरेका छन् ।