काठमाडाैं - राष्ट्रिय जनता पार्टीको अध्यक्ष मण्डलको बैठक पार्टी कार्यालय बबरमहलमा बसिरहेको छ।
जारी बैठकमा पार्टीको महाधिवेशनलगायत फोरमसँगको पार्टी एकताको विषयमा छलफल हुन पार्टी महासचिव केशव झाले जानकारी दिए। फोरमले पार्टी एकताका लागि राजपालाई पत्राचार गरेकोले सो विषयमा छलफल केन्द्रित हुने उनले बताए। बैठकले बैशाख ७, ८ र ९ गते गर्ने भनिएको राष्ट्रिय एकता महाधिवेशनको तयारी शुन्य रहेकाले अर्को मिति तय गर्न सक्ने सम्भावना रहेको छ।
नागरिकता, रेशम चौधरी, संविधान संशोधनलगायतका विषयमा पनि बैठकमा छलफल हुने बुझिएको छ। सर्वोच्च अदालतले सोमबार जन्मका आधारमा नागरिकता लिएकाको सन्तानलाई वंशजको नागरिकता दिन गृह मन्त्रालयले गरेको परिपत्र कार्यान्वयन नगर्न आदेश दिएको थियो।
प्रकाशित: Dec 31, 2017| 18:23 आइतबार, पुस १६, २०७४