काठमाडाैं - धरानमा बस दुर्घटना हुँदा चालकसहित ४ जनाको मृत्यु भएको छ। भोजपुरबाट धरानका लागि छुटेको ना ७ ख २७१३ नम्बरको बस जिरोपोइन्टमा दुर्घटनामा परेको हो। दुर्घटनामा परी २१ यात्रु घाइते भएका छन्।
दुर्घटनामा परेको बस रुख र बिजुलीको पोलमा ठोकिएको थियो। घाइतेहरुको बीपी कोइराला स्वास्थ्य विज्ञान प्रतिष्ठानमा उपचार भइरहेको इलाका प्रहरी कार्यालय धरानका डिएसपी सुमन तिम्सिनाले जानकारी दिएका छन्।
गाडिको ब्रेक फेल हुँदा दुर्घटना भएको हुन सक्ने प्रहरीको आशंका छ। चालक चक्र बहादुर गुरुङ र यात्रु बल बहादुर मगर बाहेक अन्य दुई मृतकहरुको पहिचान हुन नसकेको प्रहरीले बताएको छ।
प्रकाशित: Dec 31, 2017| 18:23 आइतबार, पुस १६, २०७४