काठमाडौं- दोस्रो चरणको ओलम्पिक छनोटको दोस्रो खेलको पहिलो हाफमा नेपाल र भारतले बराबरी खेलेका छन् । दुबै टोलीले पहिलो हाफमा १-१ को बराबरी खेलेका हुन् ।
म्यानमारको मान्दलर थिरी स्टेडियममा भएको खेलको पहिलो हाफमा सुरुवाती अग्रता भने भारतले लिएको थियो । खेलको छैठौं मिनेटमा भारतले सुरुवाती अग्रता लिएको थियो ।
तर, त्यसको एक मिनेट नबित्दै नेपालले बराबरी गोल फर्कायो । मिड फिल्डबाट गिता रानाको लामो पासलाई स्ट्राइकर सावित्रा भण्डारीले अघि बढाउदै डि-बक्स भित्रबाट कप्तान निरु थापालाई दिएको पासमा निरुले सहजै गोल गरेकी हुन् ।
नेपाललाई छनोटको तेस्रो चरण पुग्ने सम्भावना विजित राख्न भारतलाई पराजित गर्ने पर्ने छ । आफ्नो पहिलो खेलमा नेपाल घरेलु टोली म्यानमारसँग ३-१ गोल अन्तरले पराजित भएको थियो । यता भारतले भने आफ्नो पहिलो खेलमा इन्डोनेसियालाई पराजित गरेको छ ।
प्रकाशित: Dec 31, 2017| 18:23 आइतबार, पुस १६, २०७४