काठमाडौं- नेपाली राष्ट्रिय मसिहला फुटबल टोली ओलम्पिक छनोटको दोस्रो चरणको आफ्नो पहिलो खेलमा पराजित भएको छ । आयोजक टोली म्यानमारसँग नेपाल ३-१ गले अन्तरले पराजति भएको हो ।
पहिलो हाफ १-१ को बराबरीमा सकिएको थियो । खेलको २४ औ मिनेटमा घरेलु टोली म्यानमारले सुरुवाती अग्रता लिएको थियो । यि यि ओले गोल गर्दै घरेलु टोलीलाई सुरुवाती अग्रता दिलाएकी थिईन् ।
पहिलो हाफको ईन्जुरी समयमा नेपालका लागि कप्तान निरु थापाले गोल गर्दै पहिलो हाफ १-१ को बराबरीमा ल्याकी थिइन् । तर, दोस्रो हाफमा थप दुई गोल गर्दै नेपाल ३-१ गोल अन्तरले पराजित भएको हो ।
दोस्रो हाफमा म्यानमारका लागि विन थीइङ्गी तुनले गाले दुई गोल गरिन् । उनले खेलको ४८ औं मिनेटमा पेनाल्टीमा गोल गर्दै घरेलु टोलीलाई २-१ को अग्रता दिलाईन् । त्यस्तै खेलको इन्जुरी समयमा विन थीइङ्गी तुनले व्यत्तलीगत दोस्रो गोल गर्दै ३-१ को जित दिलाइन् ।
यसअघि ओलम्पिक छनोटको पहिलो चरणको खेलमा नेपालले म्यानमारलाई १-१ को बराबरीमा रोकेको थियो । हाल सम्म चार खेल खेलेको नेपालको म्यानमारसँग यो तेस्रो हार हो ।
अब नेपालले आफ्नो दोस्रो खेलमा चिरपरिचित भारतसँग चैत्र २३ गते खेल्नेछ । प्रतियोगिताको अन्तिम खेलमा नेपालले नयाँ प्रतिद्वन्दी इन्डोनेसियासँग २६ गते खेल्नेछ ।
प्रकाशित: Dec 31, 2017| 18:23 आइतबार, पुस १६, २०७४