जनकपुरधाम – नेकपाका अध्यक्ष पुष्पकमल दाहाल प्रचण्डले बारा र पर्सामा हावाहुरीका कारण ज्यान गुमाएका परिवारलाई प्रति परिवार ५/५ लाख रुपैयाँ सहयोग गर्ने घोषणा गरेका छन्।
मंगलबार बाराको फेटा गाउँपालिका पुगेका प्रचण्डले मृतकका परिवारलाई जनही ५/५ लाख रुपैयाँ दिने घोषणा गरेका हुन्। हावाहुरी प्रभावितलाई भेट्न बारा पुगेका प्रचण्डले पर्साको वीरगंजस्थित नारायणी उपक्षेत्रीय अस्पताल पुगेर घाइतेहरुलाई पनि भेटेका छन्।
प्रचण्डले मधेश शोकमा रहेको बेला सिंगो देशले सहयोग गर्नुपर्ने धारणा व्यक्त गरे। हावाहुरीबाट प्रभावित भएकाहरुको राहतमा सरकारले कुनै कसर बाँकी नराख्ने प्रचण्डले आश्वासन दिए।
आइतबार साँझ आएको हावाहुरीबाट बारा र पर्सामा गरि २७ जनाको मृत्यु भएको छ भने झण्डै पाँच सय घाइते भएका छन्।
प्रकाशित: Dec 31, 2017| 18:23 आइतबार, पुस १६, २०७४