जनकपुरधाम - नेपाली कांग्रेसका सभापति शेरबहादुर देउवाले बाराका हावाहुरी प्रभावितहरुलाई २५ लाख नगद सहयोग गर्ने घोषणा गरेका छन्। हावाहुरी पीडितलाई भेट्न मंगलबार बारा पुगेका कांग्रेस सभापति देउवाले राहतस्वरुप २५ लाख रुपैयाँ सहयोग गर्ने घोषणा गरेका हुन्।
यसअघि उपसभापति विमलेन्द्र निधिले सोमबार १० लाख रुपैयाँ सहयोग गर्ने घोषणा गरेका थिए। सभापति देउवाले हावाहुरीबाट ज्यान गुमाएका परिवारलाई राहत तथा प्रभावितहरुको उपचार र पुनर्स्थापनाका लागि यथाशीघ्र प्रभावकारी कदम चाल्न सरकारसँग मागसमेत गरेका छन्।
मंगलबार बिहान नारायणी अञ्चल अस्पतालमा घाइतेसँग भेट गरेका देउवाले बाराको भलुही, भरवलियामा हावाहुरी प्रभावितहरुलाई कम्बल, बाल्टिनलगायतका सामग्रीसमेत वितरण गरेका छन्।
प्रकाशित: Dec 31, 2017| 18:23 आइतबार, पुस १६, २०७४