काठमाडाैं - नेपाली कांग्रेसका नेता डा शेखर कोइरालाले शिक्षा, विज्ञान तथा प्रविधि मन्त्री गिरिराजमणि पोख्रेलको तत्काल राजीनामा दिनुपर्ने बताएका छन्। राज्यको गैरजिम्मेवारीका कारण प्रदेश २ मा बीचमै एसईई परीक्षा रोक्नु परेको भन्दै उनले शिक्षामन्त्रीको राजीनामा माग गरेका हुन्।
उनले राज्यको यस्तो गैरजिम्मेवार कार्यले विद्यार्थीको भविष्यसमेत अन्धकारतर्फ धकेलिएको बताए। उनले ट्विटमा भनेका छन्, 'राज्यको गैरजिम्मेवारीका कारण प्रदेस २ को एसईई परीक्षा बीचैमा स्थगित हुन पूगेको छ। विध्यार्थीहरुको भविष्य अन्धकारतर्फ धकेलिएको छ। यो गम्भिर घटनाको नैतिक जिम्मेवारी लिंदै शिक्षामन्त्रीले तत्कालै राजीनामा दिनुपर्छ र आगामी दिनमा यस्ता घटना नदोहोरिने प्रतिबद्धता राज्यले जनाउनु पर्दछ।'
प्रकाशित: Dec 31, 2017| 18:23 आइतबार, पुस १६, २०७४