सप्तरीमा विज्ञान विषयको प्रश्नपत्र 'आउट'

राजविराज- एसईईको विज्ञान विषयको प्रश्नपत्र बाहिरिएको छ । बिहीबार भएको विज्ञान विषयको प्रश्नपत्र परीक्षा सुरु हुनुपूर्व नै आउट भएको हो। 

परीक्षा सुरु हुने समय बिहान ८ बजेका लागि निर्धारण गरिए पनि ७ः४७ मिनेटमै प्रश्नपत्र बाहिरिएको छ। प्रश्नपत्र समाजिक सञ्जाल ‘फेसबुक’मा समेत पोष्ट भएका छन्। 

प्रश्नपत्र बाहिरिएको कुरा सत्य भएको र यसबारे छानविन भइरहेको सप्तरीका सिडिओ तथा परीक्षा समन्वय समितिका संयोजक सुरेन्द्र पौडेलले बताए। यसका विषयमा गम्भीर अनुसन्धान हुने र दोषीमाथि कारबाही गरिने उनले जानकारी दिए ।

प्रश्नपत्र आउट गर्न स्वयम केन्द्राध्यक्ष, निरीक्षक र कर्मचारीहरुको मिलेमतो रहेको हुनसक्ने आशंका गरिएको छ । 

यसैबिच बिहीबार मात्रै मोबाइल मार्फत चिट चोर्दै गरेका दुई जना परीक्षार्थीलाई प्रहरीले नियन्त्रणमा लिएको छ। विभिन्न परीक्षाकेन्द्र मार्फत १० थान मोबाइल प्रहरीले कब्जामा लिएको थियो ।