काठमाडौं- अखिल नेपाल फुटबल संघ (एन्फा)ले बर्षको सर्वोत्कृष्ट खेलाडीलाई २५ लाख दिने भएको छ । फुटबल श्रेत्रमा दिएको योगदानको मुल्याङ्कन गर्दै एन्फाले एक जना फुटबल खेलाडीलाई २५ लाख नगज पुरस्कार दिने जनाएको हो ।
यसअघि बर्षको सर्वोत्कृष्ट खेलाडीलाई अपार्टमेन्ट दिने गरिए पनि खेलाडीलाई अपार्टमेन्टमा समस्या आउने भएकाले हाल नगद २५ लाख दिने निर्णय गरेको हो । खेलाडीले पाउने २५ लाखमा सरकारले २० लाख उपलब्ध गराउने छ भने बाब्की ५ लाख एन्फाले थप्नेछ ।
२०७३ सालमा राजु तामाङलाई सर्वोत्कृष्ट खेलाडी घोषणा गर्दै २५ लाख रुपैयाँ सहित सम्मान गरेको थियो । एन्फाभित्र आन्तरिक विवाद चुलिएपछि पुरस्कार वितरणको काम रोकिएको थियो ।
सुरुमा कार दिने प्रावधा पश्चात एन्फाले अपार्टमेन्ट पुरस्कार दिने कामको थालनी गरेको थियो । अपार्टमेन्ट सागर थापा, रितेश थापा र राकेश श्रेष्ठले अपार्टमेन्ट पाएका थिए । कार पुरस्कार उपेन्द्रमान सिंह र हरी खड्काले पाएका थिए ।
प्रकाशित: Dec 31, 2017| 18:23 आइतबार, पुस १६, २०७४