विराटनगर – विराटनगरमा सम्पन्न भएको पाँचौ संस्करणको साफ महिला च्याम्पियनसिपमा नेपालकी स्ट्राइकर सावित्रा भण्डारी र भारतकी इन्दुमथी काथेरेसन सर्वाधिक गोलकर्ता भएका छन्।
नेपाली खेलाडी सावित्रा र भारतीय खेलाडी इन्दुमथीले समान ४ खेलमा ४/४ गोल गरे।
इन्दुमथीले तीन खेल खेल्दै चार गोल गरेकी थिइन्। उनले नेपालसँगको फाइनल खेलमा भने गोल गर्न सकिनन्। तर, यसअघिका तीन खेलमा तीन गोल गरेकी सावित्राले भारतविरुद्धको फाइनल खेलमा एक गोल गरिन्। फाइनलमा गोल गर्दै सावित्राले इन्दुमथीसँग सर्वाधिक गोलकर्ताको अवार्ड सेयर गरिन्।
त्यस्तै प्रतियोगिताको खेलमा भारतकी डालिमा चिब्बर मोस्ट भ्यालुयबल खेलाडी बनीन् । उनले फाइनल खेलको २६ औं मिनेटमा फ्रि किक मार्फत सुन्दर गोल गर्दै भारतलाई सुरुवाती अग्रता दिलाएकी थिइन्। नेपाली खेलाडीले भारतका डिफेन्डरलाई फाउल गरेपछि करिब ३० यार्डमा पाएको फ्री किक प्रहारमा डालिमाले सहजै बललाई जाली चुमाएकी थिइन्। डालिमाले प्रतियोगितामा दुई गोल गरिन्।