विराटनगर- नेपाली राष्ट्रिय महिला टोलीले साफ महिला च्याम्पियनसीप फुटबलको उपाधि जिते प्रदेश सरकारले प्रत्येक खेलाडीलाई २ लाख दिने घोषणा गरेको छ ।
विराटनगरमा जारी पाँचौ संस्करणको साफ फाइनलको पूर्वसन्ध्यामा उपाधि नेपालले जिते प्रत्येक खेलाडीलाई जनही २ लाख दिने प्रदेश १ ले घोषणा गरेको हो । उपााधिका लागि नेपालले चारवटै संस्करणको विजेता टोली भारतसँग खेल्दै छ ।
भारतले अहिले सम्म साफमा कुनै पनि खेल गुमाएको रेकर्ड छैन् । त्यस्तै अखिल नेपाल फुटबल संघ (एन्फा)ले प्रतियोगिताको समापन प्रदेश १ का मुख्यमन्त्री शेरधन राईले गर्ने जनाएको छ ।
यससँगै प्रदेश नम्बर १ को सरकारले प्रदेश लिग र अन्तर्राष्ट्रिय गोल्डकपको आयोजनाका लागि एन्फासँग औपचारिक सम्झौता गरेको छ ।
प्रकाशित: Dec 31, 2017| 18:23 आइतबार, पुस १६, २०७४