विराटनगर- विराटनगरस्थित शहिद रंगशालामा जारी पाँचौ संस्करणको साफ महिला फुटबल च्यम्पियनसिपको उपाधिका लागि नेपाल र भारत भिड्ने भएका छन् । बुधबार भएको सेमिफाइनल खेलमा भारतले बंगलादेशलाई ४-० गोल अन्तरले पराजति गरेपछि उपाधिका लागि नेपाल र भारतको भेट पक्का भएको हो ।
भारतको जितका लागि खेलको १८ औं मिनेटमा डालिमा छिब्बरले गोल गर्दै सुरुवाती अग्रता दिलाइन् । सन्जुको कर्नर प्रहारमा बंगलादेशकी गोलरक्षक रुप्ना चक्माले अगाडी बढेर बचाउ खोज्दा हातमा लागेर फर्केको बललाई डालिमाले वनटच गोल गरेकी हुन ।
२३ औं मिनेटमा इन्दुमती काथिरेसानले गोल गर्दै अग्रता दोब्बर पारीन् । डालिमाको लामो क्रसलाई सन्जुले नियन्त्रणमा लिँदै उपलब्ध गराएको पासमा इन्दुमतीले समजै गाले गरेकी हन् । ३७ औं मिनेटमा इन्दुमतीले नै व्यक्तीगत दोस्रो गोल गर्दै भारतको अग्रता ३-० को पारिन् ।
उनले सन्धिया रंगनाथनको पास गोल गरेकी हुन् । त्यस्तै इन्जुरी समयमा मनिसाले गोल गर्दै भारतलाई ४-० को जित दिलाइन् । सन्जुको क्रसमा अन्जु तामाङले गरेको प्रहार गोलरक्षक रुप्नाबाट फर्केर आएको बललाई गोलमा परिणत गरेकी हुन् ।
पाँचौ संस्करण सम्म लगातार फाइनल पुग्ने भारत पहिलो राष्ट्र हो । साफ महिला फुटबलका चार संस्करण सम्पन्न हुदा चारै संस्करणको उपाधि उचाल्दै भारतले साफ महिला च्याम्पियनसिपमा एक छत्र राज गर्दै आएको छ ।
नेपाल भने यसअघि लगातार तीन संस्करणमा फाइनल पुगेको थियो भने चौथो संस्करणमा भारतसँग सेमिफाइनलमा पराजित हुँदै प्रतियोगिताबाट बाहिरिएको थियो ।
अब नेपाल र भारतबिचको फाइनल खेल शुक्रबार दिउँसो ३ बजे हुने छ ।
प्रकाशित: Dec 31, 2017| 18:23 आइतबार, पुस १६, २०७४