एजेन्सी- म्यानचेष्टर सिटीले स्वान्सी सिटीलाई पराजित गर्दै एफए कप फुटबलको सेमिफाईनलमा प्रवेश गरेको छ । शनिबार राति भएको खेलमा स्वान्सी सिटीमाथि ३-२ को संघर्षपूर्व जित निकाल्दै सिटी प्रतियोगिताको सेमिफाइनलमा प्रवेश गरेको हो ।
सिटीको जितका लागि बर्नाल्डो सिल्भा र सर्जियो अग्युरोले एक एक गोल गर्दै एक गोल आत्मघाती उपहार पाएको थियो । स्वान्सी सिटीका लागि ग्रिम्सले पेनाल्टी र बर्सेट सेलिनाले एक एक गोल गरेका थिए ।
पहिलो हाफमा २-० गोल अन्तरले पछि परेको अवस्थालाई उल्टाउँदै सिटीले रोनाञ्चक जित निकालेको हो । खेलको २० औ मिनेटमा माट ग्रिम्सले पेनाल्टीमा गोल गर्दै स्वान्सीलाई सुरुवाती अग्रता दिलाए ।
२९ औ मिनेटमा बर्सेट सेलिनाले गोल गर्दै स्वान्सीको अग्रता दोब्बर पारे। । तर दोस्रो हाफमा लगातार सिटीले तीन गोल गर्दै खेल आफ्नो पक्षमा पारे । ६९ औ मिनेटमा सिल्भाले गोल गर्दै सिटीलाई खेलमा फर्काउए ।
७८ औ मिनेटमा स्वान्सीका गोलकिपर क्रिस्टोफर नार्डफेल्डको आत्मघाति गोलमार्फत सिटीले खेल बराबरीमा ल्यायो । त्यस्तै ८८ औं मिननेटमा सर्जियो अग्युरोले गोल गर्दै सिटीलाई रोमाञ्चक जित दिलाए ।
त्यस्तै अर्को खेलमा म्यानचेस्टर युनाईटेड वुल्भ्ससँग २-१ गोल अन्तरले पराजित हुँदै एफए कप फुटबलबाट बाहिरिएको छ । वुल्भ्सलाई जित दिलाउन राउल जेमिनेज र डिओगो जोताले एक एक गोल गरे । युनाईटेडका मार्कुस राष्फोर्डले एक गोल फर्काए ।
प्रकाशित: Dec 31, 2017| 18:23 आइतबार, पुस १६, २०७४