काठमाडौं – प्रधानमन्त्री केपी शर्मा ओलीले न्यूजिल्याण्डमा शुक्रबार भएको आक्रमणको निन्दा गरेका छन्। न्यूजिल्याण्डकी समकक्षी जेसिन्डा आर्डनलाई एक सन्देश पठाउँदै प्रधानमन्त्री ओलीले आक्रमणको निन्दा गरेका हुन्। घटनामा ज्यान गुमाएका नागरिकप्रति श्रद्धाञ्जली तथा मृतकका परिवारलाई समवेदना प्रकट गर्दै ओलीले घाइतेहरुको सिघ्र स्वास्थ्य लाभकोसमेत कामना गरेका छन्।
सन्देशमा प्रधानमन्त्री ओलीले आतंकवादलाई कुनै पनि किसिमले उचित मान्न नसकिने बताउँदै आतंकवादलाई परास्त गर्न पुरै विश्व एक भएर लाग्नु पर्ने बताएका छन्। यस्तो दुखद घडीमा नेपाल सरकार न्युजिल्याण्डका जनता र सरकारका पक्षमा रहेको ओलीद्वारा पठाइएको सन्देशमा उल्लेख छ।
शुक्रबार न्यूजिल्याण्डको क्राइस्ट चर्चमा भएको छुट्टा छुट्टै गोलीकाण्डमा ४९ जनाको मृत्यु भएको थियो भने दर्जनौं घाइते भएका थिए।
प्रकाशित: Dec 31, 2017| 18:23 आइतबार, पुस १६, २०७४