नेपालको पहिलो खेल म्यानमारसँग

फाइल तस्बिर
 

काठमाडौं -  एसीसी सोह्र वर्षमुनिको पूर्वी क्षेत्रीय क्रिकेट प्रतियोगितामा नेपालले आफ्नो पहिलो प्रतिद्वन्द्वी म्यानमार पाएको छ। थाइल्याण्डमा आगामी अप्रिल २० देखि २८ तारिखसम्म आयोजना हुने उक्त प्रतियोगतामा नेपालले आफ्नो पहिलो प्रतिद्वन्द्वी म्यानमार पाएको हो।

आयोजक थाइल्याण्डले सार्वजनिक गरेको खेल तालिका अनुसार नेपालले आगामी अप्रिल २० तारिखमा म्यानमारको सामना गर्नेछ। यस्तै दोस्रो खेलमा मलेसिया विरुद्ध अप्रिल २४ मा खेल्नेछ भने समूह चरणको अन्तिम खेल २५ तारिखमा आयोजक थाइल्याण्डसँग खेल्नेछ। खेल ३५ ओभरको खेलाइनेछ। प्रतियोगितामा कुल ८ राष्ट्रको सहभागिता रहेको छ।

समूह ए मा नेपालसहित म्यानरमार, मलेसिया र आयोजक थाइल्याण्ड छन् भने समूह बी मा हङकङ, सिंगापुर, भुटान र चीन रहेको छ।