एजेन्सी- भारतिय राष्ट्रिय क्रिकेट टोलीका कप्तान विराट कोहलीले एकदिवसीय क्रिकेटकमा ४१ शतक पुरा गरेका छन् । उनले अष्ट्रेलियासँगको ५ एकदिवसीय सिरिजको तेस्रो खेलमा १ सय २३ रन जोड्दै ओडिआईमा ४१ शतस पुरा गरेका हुन् । तर, उक्त खेलमा कोहलीले शतस प्रहार गरे पनि टोलीलाई जित दिलाउन भने सकेनन् । उक्त खेलमा भारत अष्ट्रेलियासँग ३२ रनले पराजित भएको थियो ।
यसै शतक पछि सामाजिक सञ्जालमा विराट कोहली की भारतका पूर्व स्टार क्रिकेटर सचिन तेन्दुलकर उत्कृष्ट ब्याट्सम्यान भन्ने होडबाजी चल्यो । सामाजिक सञ्जालमा इंल्यान्डका पूर्व कप्तान माइकल भौगनले पहिलो ट्वीट गरेका थिए ।
उनले ‘विराट पुनः एक पटक गट’ भन्दै ट्वीट गरेका थिए । उनले लाओ चीले गरेको ‘तपाई साच्चै भन्नु हुन्छ विराट गट हुन भनेर ? उनी ब्रहमन, सचिन र लारा भन्दा उत्कृष्ट छन्?’ भन्ने ट्वीटलाई सेयर गर्दै माइकलले एकदिवसीयमा विराट उत्कृष्ट भएको जवाफ दिएका छन् ।
विराटले एकदिवसीयका मात्र २ सय २५ खेल खेल्दै ४१ शतक प्रहार गरेका हु्न । हसिम अल्मा पनि एकदिवसीयका लागि उत्कृष्ट खेलाडी मानिन्छन् । उनले १ सय ७४ एकदिवसीय खेलमा २७ शतक प्रहार गरेका थिए ।
त्यस्तै २ सय २५ एकदिवसीय खेल खेल्दा एबी डेभिलियर्सले २५ शतक प्रहार गरेका थिए । त्यस्तै विश्व क्रिकेटमा सर्वाधिक शतक प्रहार गर्ने सचिनले २ सय २५ एकदिवसीय खेलमा २३ शतक प्रहार गरेका थिए । सचिनले एकदिवसीयका ४ सय ६३ खेलमा ४९ शतक प्रहार गरेका छन् । जहाँ कोहली सचिन भन्दा ८ शतक पछि छन् ।
यस्तै विराट कोहली एकदिवसीयमा सर्वाधिक ४ हजार रन बनाउने भारतका महेन्द्र सिंह धोनी, मोहमद अज्हारुदिन र सौरभ गाङ्गोली पछि चौथो कप्तान बनेका छन् । विराटले आफु कप्तान बने पछि एकदिवसीयका ६६ खेल पुरा गरे । कप्तान बने पछि विराटले दक्षिण अफ्रिकाविरुद्ध १ सय ६० रनको अवजित पारीसँगै १९ शतक प्रहार गरेका छन् ।
प्रकाशित: Dec 31, 2017| 18:23 आइतबार, पुस १६, २०७४