एजेन्सी- युरोपा लिग फुटबल अन्तर्गत प्रि-क्वार्टफाइनलको पहिलो लिगमा इंग्लिस प्रिमियर लिग क्लब चेल्सी विजयी भएको छ । चेल्सीको घरेलु मैदानमा बिहिबार राति भएको खेलमा डाइनामो किभलाई ३-० गोल अन्तरले पराजित गर्दै विजयी भएको हो ।
चेल्सीको जितका लागि पेड्रो रोड्रिगेज, विलियन र कलुम हड्सनले समान एक एक गोल गरे । खेलको पहिलो हाफमा १-० ले अग्रता लिएको चेल्सीले दोस्रो हाफमा थप दुई गोल गर्दै सहज जित निकालेको हो ।
खेलको १७ औं मिनेटमा पेड्रोले गोल गर्दै चेल्सीलाई सुरुवाती अग्रता दिलाए । त्यसपछि दोस्रो हाफमा थप दुई गोल हुँदा ६५ औं मिनेटमा विलियनले फ्रिकिकबाट गोल गरे भने खेलको अन्तिम मिनेटमा हड्सनले गोल गर्दै चेल्सीलाई ३-० को सहज जित दिलाए ।
जितसँगै चेल्सीले अन्तिम आठको यात्रा सहज बनाएको छ । क्वाटरफाइनलमा पुग्न अब चेल्सीलाई दोस्रो लेगमा बराबरी खेल्ने पुग्नेछ । यस्तै झिनो अन्तरले पराजित भएपनि चेल्सीले अर्को चरणको यात्रा गर्ने छ ।
प्रकाशित: Dec 31, 2017| 18:23 आइतबार, पुस १६, २०७४