काठमाडौं– नेकपा एमालेको माधवकुमार नेपाल समूहले नयाँ पार्टीको नाम टुंगो लगाएको छ। सरकारको सिफारिसमा राष्ट्रपति राजनीतिक दलसम्बन्धी अध्यादेश जारी गरेपछि उक्त समूह नयाँ पार्टी दर्ताका लागि जुटेको छ।
आज बसेको नेपाल समूहको बैठकले नामको टुंगो लगाएको एक केन्द्रीय सदस्यले जानकारी दिए। उनका अनुसार नयाँ पार्टीको नाम नेकपा एमाले समाजवादी रहनेछ। चुनाव चिन्हका लागि भने छलफल जारी छ।
केन्द्रीय समिति वा संसदीय दलको २० प्रतिशतले दल विभाजन गर्न पाउने अध्यादेश राष्ट्रपतिले आजमात्रै जारी गरेकी छन्।